ਅਕਾਲੀ ਆਗੂ ਸੁਭਾਸ਼ ਸੌਂਧੀ ਦੇ ਬੇਟੇ ‘ਤੇ ਹਮਲੇ ਦੇ ਮੁੱਖ ਦੋਸ਼ੀ ਪੰਚਮ ਅਤੇ ਪੰਪੂ ਦੇ ਕਰੀਬੀ ਸੁਭਾਨਾ ‘ਤੇ ਸਾਹਿਲ ਕੇਲਾ ਪੁਲਿਸ ਅੜਿੱਕੇ

*ਅਕਾਲੀ ਆਗੂ ਸੁਭਾਸ਼ ਸੌਂਧੀ ਦੇ ਬੇਟੇ ‘ਤੇ ਹਮਲੇ ਦੇ ਮੁੱਖ ਦੋਸ਼ੀ ਪੰਚਮ ਅਤੇ ਪੰਪੂ ਦੇ ਕਰੀਬੀ ਸੁਭਾਨਾ ‘ਤੇ ਸਾਹਿਲ ਕੇਲਾ ਪੁਲਿਸ ਅੜਿੱਕੇ*
ਜਲੰਧਰ (ਗਲੋਬਲ ਆਜਤੱਕ  ਬਿਊਰੋ)
ਗੋਪਾਲ ਨਗਰ ਗੋਲੀ ਕਾਂਡ ਵਿੱਚ ਸੀਆਈਏ ਸਟਾਫ ਨੇ ਪੰਚਮ ਦੀ ਕਰੀਬੀ ਸੁਭਾਨਾ ਨੂੰ ਹਿਰਾਸਤ ‘ਚ ਲੈ ਲਿਆ, ਸੀਆਈਏ ਸਟਾਫ਼ ਨੇ ਵੀਰਵਾਰ ਨੂੰ ਉਸ ਨੂੰ ਘਰ ਨੇੜਿਓਂ ਚੁੱਕ ਲਿਆ।
ਇਸ ਦੇ ਨਾਲ ਹੀ ਇਸੇ ਮਾਮਲੇ ਵਿੱਚ ਨਾਮਜ਼ਦ ਸਾਹਿਲ ਉਰਫ਼ ਕੇਲਾ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸਾਹਿਲ ਨੂੰ ਐੱਸਓਯੂ ਨੇ ਗ੍ਰਿਫਤਾਰ ਕਰ ਲਿਆ। ਪੁਲੀਸ ਨੇ ਸੁਭਾਨਾ ਖ਼ਿਲਾਫ਼ ਕੇਸ ਦਰਜ ਨਹੀਂ ਕੀਤਾ ਪਰ ਪੰਚਮ ਦੇ ਨੇੜੇ ਹੋਣ ਕਾਰਨ ਅਤੇ ਪੰਚਮ ਦਾ ਟਿਕਾਣਾ ਜਾਣਨ ਕਾਰਨ ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਦੂਜੇ ਪਾਸੇ ਸੁਭਾਨਾ ਦੇ ਪਰਿਵਾਰ ਨੇ ਘਟਨਾ ਵਾਲੇ ਦਿਨ ਦਾ ਸੀਸੀਟੀਵੀ ਮੀਡੀਆ ਵਿੱਚ ਜਾਰੀ ਕਰਦਿਆਂ ਦਾਅਵਾ ਕੀਤਾ ਹੈ ਕਿ ਜਦੋਂ ਗੋਲੀ ਚੱਲੀ ਤਾਂ ਸੁਭਾਨਾ ਘਰ ਵਿੱਚ ਹੀ ਸੀ। ਦੱਸ ਦੇਈਏ ਕਿ ਗੋਪਾਲ ਨਗਰ ‘ਚ ਪੰਚਮ ਗੈਂਗ ਨੇ ਅਕਾਲੀ ਨੇਤਾ ਸੁਭਾਸ਼ ਸੌਂਧੀ ਦੇ ਬੇਟੇ ਹਿਮਾਂਸ਼ੂ ‘ਤੇ ਜਾਨਲੇਵਾ ਹਮਲਾ ਕਰ ਦਿੱਤਾ ਸੀ।
ਜਦੋਂ ਹਿਮਾਂਸ਼ੂ ਭੱਜ ਗਿਆ ਤਾਂ ਪਿੰਪੂ ਨਾਮ ਦੇ ਮੁਲਜ਼ਮ ਨੇ ਗੋਲੀਆਂ ਚਲਾ ਦਿੱਤੀਆਂ। ਗੋਲੀ ਹਿਮਾਂਸ਼ੂ ਨੂੰ ਨਹੀਂ ਲੱਗੀ ਸਗੋਂ ਇੱਕ ਰਾਹਗੀਰ ਦੇ ਪੱਟ ਵਿੱਚ ਲੱਗੀ। ਥਾਣਾ 2 ਵਿੱਚ ਹਿਮਾਂਸ਼ੂ ਦੇ ਬਿਆਨਾਂ ’ਤੇ ਪੰਚਮ, ਪੰਪੂ, ਮਿਰਜ਼ਾ, ਸਾਹਿਲ ਉਰਫ਼ ਕੇਲਾ, ਸੇਠੀ ਅਤੇ ਕੁਝ ਅਣਪਛਾਤੇ ਹਮਲਾਵਰਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਸੀ।