JalandharPunjab

ਆਰਐਸਐਸ ਰਿਜ਼ਰਵੇਸ਼ਨ ਦਾ ਜ਼ੋਰਦਾਰ ਸਮਰਥਨ ਰਾਸ਼ਟਰੀ ਸਵੈਮ ਸੇਵਕ ਸੰਘ ਦੇ ਪ੍ਰਮੁੱਖ ਆਗੂ ਨੇ ਕਿਹਾ ਜਦੋਂ ਤੱਕ ਸਮਾਜ ਵਿੱਚ ਅਸਮਾਨਤਾ ਹੈ, ਰਿਜ਼ਰਵੇਸ਼ਨ ਜਾਰੀ ਰਹਿਣੀ ਚਾਹੀਦੀ ਹੈ ਨੀਤੀਗਤ ਫੈਸਲੇ ਦਾ ਅਨੁਸੂਚਿਤ ਜਾਤੀਆਂ ਏਕਤਾ, ਸਸ਼ਕਤੀਕਰਨ ਫੋਰਮ ਦਾ ਕੀਤਾ ਸਵਾਗਤ—ਦੱਤਾਤ੍ਰੇਯ ਹੋਸਬਾਲੇ

ਭਾਰਤ ਦਾ ਇਤਿਹਾਸ ਦਲਿਤਾਂ ਦੇ ਇਤਿਹਾਸ ਤੋਂ ਵੱਖਰਾ ਨਹੀਂ ਉਨ੍ਹਾਂ ਦੇ ਇਤਿਹਾਸ ਤੋਂ ਬਿਨਾਂ ਭਾਰਤ ਦਾ ਇਤਿਹਾਸ ਅਧੂਰਾ
ਚੰਡੀਗੜ੍ਹ (ਗਲੋਬਲ ਆਜਤੱਕ ਬਿਊਰੋ)
ਗੈਰ ਰਾਜਨੀਤਿਕ ਜੱਥੇਬੰਦੀ ਅਨੁਸੂਚਿਤ ਜਾਤੀਆਂ ਏਕਤਾ, ਸਸ਼ਕਤੀਕਰਨ ਫੋਰਮ, (ਸ਼ੀਫ) ਪੰਜਾਬ ਦੇ ਆਗੂਆਂ ਰਮੇਸ਼ ਚੰਦਰ ਸਾਬਕਾ ਆਈਐਫਐੱਸ, ਪਰਮਜੀਤ ਸਿੰਘ ਕੈਂਥ, ਰਾਜੇਸ਼ ਬਾਘਾ, ਸੰਤੋਖ ਸਿੰਘ ਗੁਮਟਾਲਾ, ਮੋਹਿਤ ਭਾਰਦਵਾਜ, ਰਾਂਝਾ ਬਖਸ਼ੀ, ਐਡਵੋਕੇਟ ਰਾਮ ਲਾਲ ਸੁਮਨ, ਭੁਪਿੰਦਰ ਸਿੰਘ, ਅਤੇ ਸ਼ਾਮ ਸੁੰਦਰ ਨੇ ਕਿਹਾ ਕਿ ਜੋ ਰਾਸ਼ਟਰੀਯ ਸਵੈਮ ਸੇਵਕ ਸੰਘ ਨੇ ਰਾਖਵੇਂਕਰਨ ਸਬੰਧਤ ਨੀਤੀਗਤ ‘ਤੇ ਫੈਸਲਾਕੁੰਨ ਐਲਾਨ ਕੀਤਾ ਗਿਆ ਹੈ। ਉਸ ਬਿਆਨ ਦਾ ਸ਼ੀਫ ਨੇ ਪੁਰਜੋਰ ਸਵਾਗਤ ਕੀਤਾ ਅਤੇ ਇਤਿਹਾਸਕ ਦੱਸਿਆ। ਰਾਸ਼ਟਰੀਯ ਸਵੈ-ਸੇਵਕ ਸੰਘ ਰਾਖਵਾਂਕਰਨ ਦਾ ਮਜ਼ਬੂਤ ​​ਸਮਰਥਕ ਦੱਸਦੇ ਹੋਏ, ਸੰਗਠਨ ਦੇ ਸਹਿ-ਸਰਕਾਰੇਵਾਹ ਦੱਤਾਤ੍ਰੇਯ ਹੋਸਬਾਲੇ ਨੇ ਇਕ ਪ੍ਰੋਗਰਾਮ ਦੌਰਾਨ ਕਿਹਾ ਕਿ ਇਹ ਹਾਂ-ਪੱਖੀ ਕਾਰਵਾਈ ਦਾ ਸਾਧਨ ਹੈ ਅਤੇ ਜਦੋਂ ਤੱਕ ਸਮਾਜ ਦਾ ਇੱਕ ਖਾਸ ਵਰਗ ਅਸਮਾਨਤਾਵਾਂ ਮਹਿਸੂਸ ਕਰਦਾ ਹੈ, ਉਦੋਂ ਤੱਕ ਇਸ ਨੂੰ ਜਾਰੀ ਰੱਖਿਆ ਜਾਣਾ ਚਾਹੀਦਾ ਹੈ।ਭਾਰਤ ਦਾ ਇਤਿਹਾਸ ਦਲਿਤਾਂ ਦੇ ਇਤਿਹਾਸ ਤੋਂ ਵੱਖਰਾ ਨਹੀਂ ਹੈ। ਉਨ੍ਹਾਂ ਦੇ ਇਤਿਹਾਸ ਤੋਂ ਬਿਨਾਂ ਭਾਰਤ ਦਾ ਇਤਿਹਾਸ ਅਧੂਰਾ ਹੈ।
ਰਾਖਵੇਂਕਰਨ ਬਾਰੇ ਗੱਲ ਕਰਦਿਆਂ ਆਰਐਸਐਸ ਦੇ ਪ੍ਰਮੁੱਖ ਆਗੂ ਨੇ ਕਿਹਾ ਕਿ ਉਹ ਅਤੇ ਉਨ੍ਹਾਂ ਦਾ ਸੰਗਠਨ ਰਾਸ਼ਟਰੀ ਸਵੈ-ਸੇਵਕ ਸੰਘ ਰਾਖਵੇਂਕਰਨ ਦੇ ਮਜ਼ਬੂਤ ​​ਸਮਰਥਕ ਹਨ। ਸਮਾਜਿਕ ਸਦਭਾਵਨਾ ਅਤੇ ਸਮਾਜਿਕ ਨਿਆਂ ਸਾਡੇ ਲਈ ਰਾਜਨੀਤਿਕ ਰਣਨੀਤੀਆਂ ਨਹੀਂ ਹਨ ਅਤੇ ਦੋਵੇਂ ਸਾਡੇ ਲਈ ਵਿਸ਼ਵਾਸ ਦੀਆਂ ਵਸਤੂਆਂ ਹਨ।
ਰਾਖਵੇਂਕਰਨ ਨੂੰ ਭਾਰਤ ਦੀ ਇਤਿਹਾਸਕ ਲੋੜ ਦੱਸਦਿਆਂ ਹੋਸਾਬਲੇ ਨੇ ਕਿਹਾ ਇਹ ਉਦੋਂ ਤੱਕ ਜਾਰੀ ਰਹਿਣਾ ਚਾਹੀਦਾ ਹੈ ਜਦੋਂ ਤੱਕ ਸਮਾਜ ਦੇ ਇੱਕ ਖਾਸ ਵਰਗ ਦੁਆਰਾ ਅਸਮਾਨਤਾ ਦਾ ਅਨੁਭਵ ਕੀਤਾ ਜਾ ਰਿਹਾ ਹੈ, ਰਾਖਵੇਂਕਰਨ ਨੂੰ ਹਾਂ-ਪੱਖੀ ਕਾਰਵਾਈ ਦਾ ਸਾਧਨ ਦੱਸਦਿਆਂ ਹੋਸਾਬਲੇ ਨੇ ਕਿਹਾ ਕਿ ਰਾਖਵਾਂਕਰਨ ਅਤੇ ਤਾਲਮੇਲ (ਸਮਾਜ ਦੇ ਸਾਰੇ ਵਰਗਾਂ ਵਿੱਚ) ਨਾਲ-ਨਾਲ ਚੱਲਣਾ ਚਾਹੀਦਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਸਮਾਜ ਵਿੱਚ ਸਮਾਜਿਕ ਤਬਦੀਲੀ ਲਿਆਉਣ ਵਾਲੀਆਂ ਸ਼ਖਸੀਅਤਾਂ ਨੂੰ ਦਲਿਤ ਨੇਤਾ ਕਹਿਣਾ ਗਲਤ ਹੋਵੇਗਾ ਕਿਉਂਕਿ ਉਹ ਸਮੁੱਚੇ ਸਮਾਜ ਦੇ ਆਗੂ ਹਨ।
ਹੋਸਬਲੇ ਨੇ ਕਿਹਾ ਜਦੋਂ ਅਸੀਂ ਸਮਾਜ ਦੇ ਅਨੁਸੂਚਿਤ ਜਾਤੀਆਂ ਅਤੇ ਅਨੁਸੂਚਿਤ ਕਬੀਲਿਆਂ ਦੇ ਵਰਗਾਂ ਦੇ ਵੱਖੋ-ਵੱਖਰੇ ਪਹਿਲੂਆਂ ‘ਤੇ ਚਰਚਾ ਕਰਦੇ ਹਾਂ, ਤਾਂ ਨਿਸ਼ਚਤ ਤੌਰ ‘ਤੇ ਰਾਖਵੇਂਕਰਨ ਵਰਗੇ ਦੇ ਕੁਝ ਪਹਿਲੂ ਸਾਹਮਣੇ ਆਉਂਦੇ ਹਨ। ਮੇਰੀ ਸੰਸਥਾ ਅਤੇ ਮੈਂ ਦਹਾਕਿਆਂ ਤੋਂ ਰਿਜ਼ਰਵੇਸ਼ਨ ਦੇ ਮਜ਼ਬੂਤ ​​ਸਮਰਥਕ ਰਹੇ ਹਾਂ।
ਸ਼ੀਫ ਦੇ ਆਗੂਆਂ ਨੇ ਕਿਹਾ ਕਿ ਆਰਐਸਐਸ ਦੇ ਪ੍ਰਤੀ ਅਨੁਸੂਚਿਤ ਜਾਤੀਆਂ ਵਿਚ ਨਿਰਾਸ਼ਾਜਨਕ ਅਤੇ ਗਲਤ ਪ੍ਰਚਾਰ ਪ੍ਰਸਾਰ ਕਰਨ ਵਾਲਿਆ ਦਾ ਪਰਦਾਫਾਸ਼ ਹੋ ਗਿਆ ਹੈ। ਆਗੂਆਂ ਨੇ ਅਪੀਲ ਕਰਦਿਆ ਕਿਹਾ ਕਿ ਅਨੁਸੂਚਿਤ ਜਾਤੀ ਸਮਾਜ ਨੂੰ ਰਾਸ਼ਟਰੀ ਸਵੈ-ਸੇਵਕ ਸੰਘ ਦੀਆਂ ਨੀਤੀਗਤ ਪ੍ਰੋਗਰਾਮਾਂ ਵਿੱਚ ਸਮੂਲੀਅਤ ਕਰਨਾ ਚਾਹੀਦਾ ਹੈ ਤਾਂ ਜੋ ਬਦਲਾਅ ਦੀਆਂ ਪ੍ਰਸਥਿਤੀਆਂ ਵਿੱਚ ਨਕਾਰਾਤਮਕ ਸੋਚ ਨੂੰ ਤਿਆਗ ਕੇ ਦਲਿਤਾਂ ਨੂੰ ਪੈਦਾ ਹੋਏ ਭਰਮ ਭੁਲੇਖਿਆਂ ਨੂੰ ਰੋਕਿਆ ਜਾਣਾ ਚਾਹੀਦਾ ਹੈ।

Related Articles

Leave a Reply

Your email address will not be published. Required fields are marked *

Back to top button
error: Content is protected !!