JalandharPunjab

ਕਮਿਸ਼ਨਰੇਟ ਪੁਲਿਸ ਨੇ 104 ਸਾਲਾ ਦੇ ਗੁਆਚੇ ਬਜ਼ੁਰਗ ਵਿਅਕਤੀ ਨੂੰ ਤਿੰਨ ਘੰਟਿਆਂ ’ਚ ਲੱਭ ਕੇ ਪਰਿਵਾਰ ਨਾਲ ਮਿਲਾਇਆ

ਘਰ ਦਾ ਰਾਹ ਭੁੱਲੇ ਵਿਅਕਤੀ ਬਾਰੇ ਸਥਾਨਕ ਵਾਸੀਆਂ ਨੇ ਪੁਲਿਸ ਨੂੰ ਕੀਤਾ ਸੂਚਿਤ
ਜਲੰਧਰ (ਗਲੋਬਲ ਆਜਤੱਕ, ਅਮਰਜੀਤ ਸਿੰਘ ਲਵਲਾ)

ਮਾਨਵਤਾ ਦੀ ਸੇਵਾ ਅਤੇ ਆਪਣੀ ਡਿਊਟੀ ਨੂੰ ਪੂਰੀ ਲਗਨ ਤੇ ਮਿਹਨਤ ਨਾਲ ਨਿਭਾਉਣ ਪ੍ਰਤੀ ਦ੍ਰਿੜ ਭਾਵਨਾ ਦਾ ਪ੍ਰਗਟਾਵਾ ਕਰਦਿਆਂ ਕਮਿਸ਼ਨਰੇਟ ਪੁਲਿਸ ਵਲੋਂ 104 ਸਾਲਾ ਬਜ਼ੁਰਗ ਵਿਅਕਤੀ ਨੂੰ ਉਸ ਦੇ ਪਰਿਵਾਰ ਨਾਲ ਮਿਲਾਇਆ ਗਿਆ ਜੋ ਕਿ ਘਰ ਜਾਣ ਸਮੇਂ ਰਸਤਾ ਭੁੱਲ ਗਿਆ ਸੀ ਅਤੇ ਸ਼ਹੀਦ ਬਾਬੂ ਲਾਭ ਸਿੰਘ ਨਗਰ ਦੀਆਂ ਗਲੀਆਂ ਵਿੱਚ ਫਸਿਆ ਹੋਇਆ ਸੀ।

ਐਸਐਚਓ ਬਸਤੀ ਬਾਵਾ ਖੇਲ ਪੁਲਿਸ ਥਾਣਾ ਅਸ਼ਵਨੀ ਕੁਮਾਰ ਜਿਨਾਂ ਵਲੋਂ ਨਿੱਜੀ ਤੌਰ ’ਤੇ ਤਿੰਨ ਘੰਟੇ ਲਗਾਤਾਰ ਕੀਤੇ ਗਏ ਯਤਨਾਂ ਸਦਕਾ ਬਜ਼ੁਰਗ ਵਿਅਕਤੀ ਨੂੰ ਲੱਭਣ ਵਿੱਚ ਸਫ਼ਲਤਾ ਮਿਲੀ ਨੇ ਦੱਸਿਆ ਕਿ ਉਨਾਂ ਨੂੰ ਸੂਚਨਾ ਮਿਲੀ ਸੀ ਕਿ ਇਕ ਬਜੁਰਗ ਵਿਅਕਤੀ ਘਰ ਵਾਪਸ ਜਾਣ ਸਮੇਂ ਸਵੇਰੇ 11 ਵਜੇ ਰਸਤਾ ਭੁੱਲ ਗਿਆ ਹੈ।

ਸ਼ਹੀਦ ਬਾਬੂ ਲਾਭ ਸਿੰਘ ਨਗਰ ਦੇ ਕੁੱਝ ਵਾਸੀਆਂ ਨੇ ਇਸ ਵਿਅਕਤੀ ਦੀ ਸੰਭਾਲ ਕੀਤੀ ਗਈ ਅਤੇ ਪੁਲਿਸ ਦੇ ਆਉਣ ਤੱਕ ਉਸ ਦੀ ਪਹਿਚਾਣ ਬੂਟਾ ਰਾਮ ਵਜੋਂ ਹੋਈ। ਇਸ ’ਤੇ ਤੁਰੰਤ ਕਾਰਵਾਈ ਕਰਦਿਆਂ ਪੁਲਿਸ ਟੀਮ ਵਲੋਂ ਮੌਕੇ ’ਤੇ ਪਹੁੰਚ ਕੇ ਬਜੁਰਗ ਵਿਅਕਤੀ ਨੂੰ ਬਸਤੀ ਬਾਵਾ ਖੇਲ ਪੁਲਿਸ ਸਟੇਸਨ ਲਿਆਂਦਾ ਗਿਆ।
ਐਸਐਚਓ ਨੇ ਕਿਹਾ ਕਿ ਬੂਟਾ ਰਾਮ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਘਰ ਤੋਂ ਵਾਲ ਕਟਾਉਣ ਲਈ ਸਲੂਨ ਵਿਖੇ ਗਿਆ ਪਰ ਘਰ ਵਾਪਿਸ ਮੁੜਨ ਸਮੇਂ ਉਹ ਰਸਤਾ ਭੁੱਲ ਗਿਆ ਤੇ ਘਰ ਨਹੀਂ ਪਹੁੰਚ ਸਕਿਆ। ਕੁਝ ਸਥਾਨਿਕ ਵਾਸੀਆ ਨੇ ਪੁਲਿਸ ਨੂੰ ਸੂਚਨਾ ਦੇਣ ਤੋਂ ਇਲਾਵਾ ਉਸ ਵਿਅਕਤੀ ਨੂੰ ਦਿਲਾਸਾ ਦਿੰਦਿਆਂ ਚਾਹ ਅਤੇ ਪਾਣੀ ਪਿਲਾਇਆ ਗਿਆ।
ਬੂਟਾ ਰਾਮ ਨੇ ਦੱਸਿਆ ਕਿ ਉਹ ਪਿੰਡ ਰਸੂਲਪੁਰ ,ਨਕੋਦਰ ਨਾਲ ਸਬੰਧ ਰੱਖਦਾ ਹੈ ਜਿਸ ’ਤੇ ਸਿਪਾਹੀ ਰਾਕੇਸ਼ ਕੁਮਾਰ ਵਲੋਂ ਉਸ ਦੀ ਤਸਵੀਰ ਪਿੰਡ ਰਸੂਲਪੁਰ ਵਿਖੇ ਰਹਿੰਦੇ ਰਿਸ਼ਤੇਦਾਰਾਂ ਪਾਸ ਭੇਜੀ ਗਈ ਜਿਨਾਂ ਨੇ ਤੁਰੰਤ ਬੂਟਾ ਰਾਮ ਦੀ ਪਹਿਚਾਣ ਕਰ ਲਈ। ਉਨ੍ਹਾਂ ਨੇ ਪਰਿਵਾਰਕ ਮੈਂਬਰਾਂ ਨੂੰ ਘਟਨਾ ਬਾਰੇ ਦੱਸਿਆ ਜਿਨਾਂ ਨੇ ਸ਼ਹੀਦ ਬਾਬੂ ਲਾਭ ਸਿੰਘ ਨਗਰ ਜਿਥੇ ਬੂਟਾ ਸਿੰਘ ਗੁਆਚਿਆ ਲੱਭਿਆ ਗਿਆ ਸੀ ਵਿਖੇ ਰਹਿੰਦੇ ਉਸ ਦੇ ਬੇਟੇ ਲਖਵੀਰ ਸਿੰਘ ਨੂੰ ਸੂਚਿਤ ਕੀਤਾ।
ਜਾਣਕਾਰੀ ਮਿਲਦੇ ਹੀ ਲਖਵੀਰ ਸਿੰਘ ਤੁਰੰਤ ਬਸਤੀ ਬਾਵਾ ਖੇਲ ਪੁਲਿਸ ਸਟੇਸ਼ਨ ਪਹੁੰਚ ਗਿਆ ਜਿਥੇ ਉਸ ਨੇ ਆਪਣੇ ਪਿਤਾ ਨੂੰ ਸੁਰੱਖਿਅਤ ਦੇਖ ਕੇ ਰਾਹਤ ਮਹਿਸੂਸ ਕੀਤੀ। ਲਖਵੀਰ ਸਿੰਘ ਨੇ ਐਸਐਚਓ ਅਸ਼ਵਨੀ ਕੁਮਾਰ, ਏਐਸਆਈ ਰੂਪ ਲਾਲ ਅਤੇ ਸਿਪਾਹੀ ਰਾਕੇਸ਼ ਕੁਮਾਰ ਦਾ ਉਸ ਦੇ ਪਿਤਾ ਨੂੰ ਦੁਬਾਰਾ ਪਰਿਵਾਰ ਨਾਲ ਮਿਲਾਉਣ ਲਈ ਕੀਤੇ ਗਏ ਯਤਨਾਂ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਦੱਸਿਆ ਕਿ ਸਾਰਾ ਪਰਿਵਾਰ ਸਮੇਤ ਪੋਤੇ-ਪੋਤੀਆਂ ਦਾਦਾ ਜੀ ਦੇ ਸਵੇਰ ਤੋਂ ਗੁੰਮ ਹੋਣ ’ਤੇ ਬਹੁਤ ਚਿੰਤਾ ਵਿੱਚ ਸੀ।

Sidhi Galbaat
Sidhi Galbaat
Sidhi Galbaat
Sidhi Galbaat

Related Articles

Leave a Reply

Your email address will not be published.

Back to top button
error: Content is protected !!